மயிலாடுதுறை மாவட்டம் சீர்காழியில் தகுதி சான்றிதழ் இன்றி, மாணவர்களை அழைத்து சென்ற 5 ஆட்டோக்களை மோட்டார் வாகன ஆய்வாளர் பறிமுதல் செய்தார்.
மயிலாடுதுறை மாவட்ட ஆட்சியர் மகாபாரதி உத்தரவின்படி, வட்டார போக்குவரத்து அலுவலர் அறிவுறுத்தலின்பேரில், சீர்காழி மோட்டார் வாகன ஆய்வாளர் விஸ்வநாதன், அதன் சுற்றுவட்டார பகுதிகளில் வாகன தணிக்கையில் ஈடுபட்டார்.
- Advertisement -
அப்போது, மாணவர்களை அழைத்து சென்ற ஆட்டோக்களை நிறுத்தி சோதனை செய்தபோது, உரிய ஆவணங்கள் மற்றும் தகுதி சான்றிதழ் இல்லாமல் இயக்கப்பட்டது தெரியவந்தது. இதையடுத்து 5 ஆட்டோக்களை பறிமுதல் செய்த மோட்டார் வாகன ஆய்வாளர் விஸ்வநாதன், விதிகளை மீறி இயக்கப்படும் ஆட்டோ உள்ளிட்ட வாகனங்கள் மீது சட்ட நடவடிக்கை மேற்கொள்ளப்படும் என எச்சரிக்கை விடுத்தார்.
